2013 ~ ពត៌មានពីដុនបូស្កូកែប

ពត៌មានកីឡា

ពត៌មានកីឡា និង សកម្មភាពកីឡាដែលថ្មីៗទំនើបនិងប្រកបដោយភាពទាក់ទាញទាំងនៅក្នុងប្រទេស និង ជាអន្តរជាតិ។ សូមចូលរួមលេងកីឡាទាំងអស់គ្នាដើម្បីសុខភាពល្អនិង មានរូបរាងស្រស់សង្ហារព្រមទាំងកាត់បន្ថយនូវជំម្ងឺផ្សេងៗ។

វប្បធម៌និងសាសនា

ផ្សព្វផ្សាយពីពត៌មាននិយាយពីវប្បធម៌សាសនា ទំនៀមទំលាប់ របស់ប្រទេសកម្ពុជា បណ្ដាប្រទេសជិតខាងនិង ទូទាំងពិភពលោកទាំងមូល។ សូមជួយថែររក្សាទំនៀមទំលាប់ វប្បធម៌ដែលខ្មែរមានតាំងពីបុរាណកាលដែលមានប្រយោជន៍ ព្រមទាំងអភិវឌ្ឍន៍ឲ្យមានលក្ខណៈកាន់តែប្រសើឡើង។

សិល្បៈកម្សាន្ដ

បង្ហាញពីសិល្បៈ ការកម្សាន្ដ ជំនាញសិល្បៈ ពត៌មានប្លែកៗជុំវិញពិភពលោក រឿងកប្លែង ការបង្ហាញម៉ូត ការតុបតែងខ្លួន សម្លៀបំពាក់ទំនើបទាន់សម័យ និងចំនេះដឹងផ្នែកគហកិច្ច។

ទស្សនៈវិទ្យា

ចែករំលែកទស្សនៈវិទ្យា របស់ទស្សនៈវិទូល្បីៗទូទាំងពិភពលោក និង នៅក្នុងប្រទេសកម្ពុជា ព្រមទាំង អរីយធម៌របស់ខ្មែរ ហើយក៏បង្ហាញពីប្រទេសអរីយធម៌បុរាណ អាណាចក្រ និង ចក្រភពជំនាន់មុន។ ចែករំលែកចំនេះដឹងទាំងអស់គ្នា ដើម្បីអភិវឌ្ឍន៍ខ្លួនទៅកាន់ភាពរីកចម្រើន និង មានចំនេះដឹងកាន់តែទូលំទូលាយ។

ពត៌មានជាតិ

ពត៌មានជាតិជាពត៌មានទូទៅក្នុងប្រទេសកម្ពុជា និង ពត៌មានទាន់ហេតុការណ៍គួឲ្យចាប់អារម្មណ៍ ព្រមទាំង សកម្មភាពផ្សេងៗដែលកើតមានក្នុងប្រទេសកម្ពុជា។ ទស្សនានិងតាមដានពត៌មានដើម្បីដឹង និង ស្វែងយល់នូវហេតុការណ៍ដែលកើតមានក្នុងប្រទេស។

Tuesday, November 5, 2013

ទស្សនកិច្ចរបស់សិស្សានុសិស្សទំនាក់ទំនងសង្គមនៅវិទ្យុជាតិ៧មករាខេត្តកំពត ៩៩.៧០ MHz

7:11 PM

Unknown

កាលពីព្រឹកវេលាម៉ោងប្រាំបីនិងសាមសិបនាទី នាថ្ងៃទី ៥ ខែវិច្ឆិកា ឆ្នាំ២០១៣ ថ្មីៗនេះក្រុមសិស្សនិស្សិតផ្នែក ទំនាក់ទំនងសង្គម និង សារពត័មាន នាសាលាបច្ចេកទេស ដុន បូស្កូ ខេត្តកែប និង ខេត្ត ព្រះសីហនុ ទទួលបានឪកាសដ៏ល្អក្នុងការទៅទស្សនៈកិច្ចសិក្សា ដើម្បីជាការស្រង់យកបទពិសោធន៍ ទទួលយកនូវបច្ចេកទេសល្អៗ វិធីសាស្ដ្រល្អៗ ពីសំណាក់ប៉ុស្ដន៍វិទ្យុ និង បុគ្គលិកដែលបំរើការងារក្នុងប៉ុស្ដន៍វិទ្យុ ទាំងអស់ពីដំណើរការនៃការធ្វើការងារក្នុងប៉ុស្ដន៍វិទ្យុ

នៅក្នុងសកម្មភាពនោះដែរមានការចូលរួមពីសំណាក់ លោកតា Wolfgang Baneinfeind និង លោក Michael ដែលជាអ្នកមានជំនាញច្បាស់លាស់និងមានបទពិសោធន៍ច្រើនឆ្នាំក្នុងការងារជាអ្នកបច្ចេកទេសក្នុងប៉ុស្ដន៍វិទ្យុនៅប្រទេសអាឡឺម៉ង់ ហើយលោកទាំងពីរក៏បានស្ម័គ្រចិត្តមកជួយបង្ហាត់បង្រៀនដល់សិស្សានុសិស្សផ្នែកទំនាក់ទំនងសង្គមនាសាលាបច្ចេកទេស ដុន បូស្កូ ខេត្តកែបលើសពី លោកតា Wolfgang Baneinfeind និង លោក Michael ក៏មានលោកគ្រូផ្នែកទំនាក់ទំនងសង្គមរួមដំណើរជាមួយដើម្បីជួយសម្រួលដល់សិស្សានុសិស្សនិងសកម្មភាពចុះទស្សនកិច្ចសិក្សាទាំងអស់ឲ្យមានភាពកាន់តែប្រសើឡើង

នៅក្នុងទស្សនកិច្ចនោះសិស្សានុសិស្សបួនក្រុមតូចៗបានធ្វើការថតសម្លេងធ្វើការសម្ភាសន៍ដើម្បីយកទៅធ្វើជារបាយការណ៍ នៃការសិក្សារបស់ពួកគេ ចំនែកឯសិស្សដទៃផ្សេងទៀតបានធ្វើការសាកសួរនិងព្យាយាមស្វែងយល់ពីការធ្វើការងាររបស់ប៉ុស្ដន៍វិទ្យុមួយនេះយ៉ាងយកចិត្តទុកដាក់និងផ្ចិតផ្ចង់ចំនែកឯបុគ្គលិកដែលបំរើការក្នុងប៉ុស្ដវិទ្យុទាំងអស់ក៏មានភាពរីករាយក្នុងការចែករំលែកបទពិសោធន៍ល្អៗ និងបច្ចេកទេសរបស់ខ្លួនដល់សិស្សនិស្សិតទាំងអស់យ៉ាងយកចិត្តទុកដាក់

ជាចុងបញ្ចប់នៃការចុះទស្សនកិច្ចសិក្សានេះសិស្សានុសិស្សទាំងអស់លោកគ្រូអ្នកស្ម័គ្រចិត្ត ព្រមទាំងបុគ្គលិកនៃប៉ុស្ដវិទ្យុបានធ្វើការថតរូបទុកជាអនុស្សាវរី ព្រមទាំងបញ្ចប់ការធ្វើទស្សនកិច្ចសិក្សានេះបានយ៉ាងពេញលេញ និងប្រកបដោយភាពជោកជ័យ។

អានបន្ត

Sunday, November 3, 2013

ឡានដឹកដីផុងផ្អៀងបះជើងម្ខាង

5:43 PM

Unknown

កាលពីរសៀលវេលាម៉ោងបីនិងសាមសិបនាទីថ្ងៃអាទិត្យ ទីបី ខែវិច្ឆិកា ឆ្នាំ២០១៣ នេះមានរថយន្ដដឹងដីមួយគ្រឿងធ្វើដំណើរពីរង្វង់មូលសេះសឆ្ពោះតាមដងផ្លូវជាតិលេងសាមសិនបីអា តម្រង់ទៅតាមផ្លូវមាត់ឆ្នេរ

តែពេលមកដល់ម្ដុំភោជនីយដ្ឋានត្នោតបីដើមត្រង់លើកំណាត់ផ្លូវដែលកំពុងតែជួសជុលស្រាប់តែរថយន្ដនោះផុងម្ខាងដែលធ្វើឲ្យឡានស្ទើក្រឡាប់ដោយគ្រាន់តែបះជើងម្ខាងព្រមទាំងកំពុបដីចេញពីរថយន្ដមួយចំនែក

នៅក្នុងហេតុការណ៍នេះដែរមិនមានអ្នកណាមួយរងរបួសគួរឲ្យកត់សម្គាល់នោះទេ តែក៏មានប្រជាជននិងកម្មករដែលធ្វើផ្លូវនៅទីនោះជួយសម្រួលនិងលើករថយន្តនោះឡើងដែរ

ហេតុការណ៍នេះអាចសនិដ្ឋានបានថាមកពីដីនៅម្ដុំនោះកំពុងតែជួសជុលហើយមានលក្ខណៈមិនសូវរឹងមាំនិងហាប់ណែនល្អហើយស្របជាមួយរថយន្ដដែលដឹកដីមានទម្ងន់ធ្ងន់ផងនោះក៏ផុងម្ខាងនិងបះជើងហើបកង់ម្ខាងដូចនេះទៅ

អានបន្ត

Friday, November 1, 2013

កម្មវិធីអរគុណអ្នកស្ម័គ្រនិងចែកលិខិតបញ្ជាក់

5:14 PM

Unknown

កាលពីថ្ងៃសុក្រ ទីមួយ ខែវិច្ឆិកា ឆ្នាំ២០១៣កន្លងទៅថ្មីៗនេះ សិស្សានុសិស្សព្រមទាំងលោកគ្រូ ផ្នែកទំនាក់ទំនងសង្គម និង ផ្នែកពត៌មានវិទ្យានិងភាសា នៃសាលាបច្ចេកទេស ដុនបូស្កូ ខេត្តកែប បានរៀបចំកម្មវិធីតូចមួយតែវាមានអត្ថន័យយ៉ាងជ្រៀលជ្រៅសម្រាប់ អ្នកស្ម័គ្រចិត្តពីរូប គឺ លោកគ្រូ ឡេវ តុលា និង លោកគ្រូ ផុន សុខយ៉ា ដែលចុះមកជួយបង្រៀនដោយមិនគិតពីប្រាក់កម្រៃ និងយកចិត្តទុកដាក់យ៉ាងផ្ចិតផ្ចង់ដើម្បីផ្ដល់ចំនេះវិទ្យាយ៉ាងពិតប្រាកដផ្នែកភាសាអង់គ្លេសដល់សិស្សានុសិស្សផ្នែកទំនាក់ទំនងសង្គម ព្រមទាំងសិស្សានុសិស្សផ្នែកពត៌មានវិទ្យា អស់រយៈពេលមួយខែកន្លងមកហើយនេះ

ជាការតបស្នងនៃឆន្ទៈដ៏គួរឲ្យស្ញប់ស្ញែងរបស់លោកគ្រូទាំងពីរ សិស្សានុសិស្សទាំងអស់ក៏មានលិខិតថ្លែងអំណរអគុណព្រមទាំងមានអំណោយប្រកបដោយទឹកចិត្តថ្លែងអំណគុណជូនដល់លោកគ្រូទាំងពីរ

ក្នុងកម្មវិធីនេះដែរលោកពុក លី សំណាង មានមតិសំណេះសំណាលនិងសោមនស្សរីករាយជាខ្លាំងដោយសារតែក្នុងសាលាមិនដែលមានអ្នកស្ម័គ្រចិត្តដែលជាជនជាតិខ្មែរឡើង ហើយលោកពុកក៏បានធ្វើការអរគុណចំពោះលោកគ្រូទាំងពីរដែលចំណាយពេលដ៏មានដម្លៃមកចែករំលែកដល់សិស្សានុសិស្សទាំងអស់

បន្ទាប់ពីធ្វើការអរគុណដល់លោកគ្រូទាំងពីររួចហើយ លោកគ្រូ ពៅ តុលា ជាប្រធានផ្នែកទំនាក់ទំនងសង្គម ព្រមទាំងលោកគ្រូ ឃឹម សិលា ជាប្រធានផ្នែកពត៌មានវិទ្យា បានធ្វើការប្រគល់វិញ្ញាប័នប័ត្របញ្ជាក់ពីការចុះមកស្ម័គ្រចិត្តជួយបង្រៀនដល់សិស្សានុសិស្សទាំងអស់

ចុងបញ្ចប់នៃកម្មវិធីនេះសិស្សានុសិស្សទាំងអស់ លោកគ្រូ និងលោកពុកធ្វើការថតរូបជុំគ្នាទុកជាអនុស្សាវរី យ៉ាងស្និទ្ធស្នាលនិងប្រកបដោយស្នាមញញឹម។

អានបន្ត

Thursday, October 31, 2013

កម្មវិធីសម្ភោធដាក់ឲ្យប្រើប្រាស់ជាផ្លូវការនូវមណ្ឌលយុវជន លោកឪពុក រួរ និង អាងសីទែនទឹក

4:44 AM

Unknown

កាលពីសៀលថ្ងៃទី ៣១ ខែ តុលា ឆ្នាំ ២០១៣ កន្លងទៅថ្មីៗនេះ នៅមជ្ឈមណ្ឌលវិជ្ជាជីវៈ ដុន បូស្កូ ខេត្តកែបបានប្រារពកម្មវិធីសម្ភោធដាក់ឲ្យប្រើប្រាស់ជាផ្លូវការនូវមណ្ឌលយុវជន លោកឪពុក រួរ និង អាងសីទែនទឹកដែលអញ្ជើញចូលរួមក្រោមអធិបតិភាពរបស់

លោកឪពុក អូលីវីយែ ជ្មីតអីស្លែរ ជាអភិបាលព្រះសហគមន៍កាតូលិចភូមិភាគភ្នំពេញ
លោកឪពុក Jhon visser ជាប្រធានមូនិធិដុនបូស្កូប្រចាំនៅកម្ពុជា
លោកឪពុក លី សំណាង ជាអធិការនៃមជ្ឈមណ្ឌលបណ្ដុះបណ្ដាលវិជ្ជាជីវៈ ដុនបូស្កូ ខេត្តកែបផ្ទាល់ ព្រមទាំងមានការចូលរួមយ៉ាងកុះករពីសំណាក់លោកគ្រូអ្នកគ្រូ និស្សិតនៃសាលាបច្ចេកទេសដុនបូស្កូខេត្តកែបនិងខេត្តព្រះសីហនុ ។

នៅក្នុងសកម្មភាពនោះដែរលោកនាយកសាលា ក៏បានរាយការណ៍ពីរបាយការណ៍បូកសរុបនៃការកសាងនិងស្ថាបនាអគារលោកពុករួរដែលបានចាប់ផ្ដើមកសាងឡើងនៅក្នុងឆ្នាំ ២០០១ ដោយមានការជួយឧបត្ថមពីអង្គការមួយនៅប្រទេស បែលជីម ក្នុងគោលបំណងធ្វើជាផ្ទះស្នាក់សម្រាប់យុវជន និង យុវនារីនៃសាលា ដុនបូស្កូបានមកស្នាក់ ព្រមទាំងធ្វើជាកន្លែងសម្រាប់ ដុន បូស្កូ មកចុះធ្វើសិក្ខាសាលា។

ដោយឡែកក្នុងឆ្នាំ ២០១១ មូលនិធិ ដុន បូស្កូ កម្ពុជាបានសំរេចចិត្តយកទីតាំងនេះមកធ្វើជាផ្ទះស្នាក់ដល់យុវជនក្រីក្រដែលមកពីខេត្តឆ្ងាយៗឲ្យស្នាក់នៅ។

រហូតដល់ដើមឆ្នាំ ២០១៣ អង្គការ Europhean Patent Office បានឧបត្ថម្ភនៅទឹកប្រាក់មួយចំនួនដើម្បីជួលជុលជាន់ទាល់ដី រីឯការជួសជុលអគារជាន់ទី១ទទួលបានការឧបត្ថម្ភយ៉ាងពេញលេញពី អង្គការ WD និង Roter Dam។

លោកនាយកបានបន្ថែមទៀតថាអាងទឹកដែលបើកសម្ភោធដាក់ឲ្យប្រើប្រាស់ជាផ្លូវការនៅពេលនេះ ដំបូងឡើយក្នុងគោលបំណងគ្រាន់តែជាអាងស្តុកទឹកដើម្បីប្រើប្រាស់ក្នុងសាលាធម្មតាតែប៉ុណ្ណោះ ក៏ប៉ុន្តែដោយមើលឃើញថាសាលានៅខ្វះបន្ទប់សំរាប់អ្នកគ្រូស្នាក់នៅ គណៈគ្រប់គ្រង់សាលាក៏បានសំរេចចិត្តកែរសំរួលអាងទឹកនោះទៅជាផ្ទះដែលមាន៤ជាន់ក្នុងនោះជាន់ផ្ទាល់ដី ជាន់ទី១ និង ជាន់ទី២ ជាបន្ទប់សំរាប់អ្នកគ្រូស្នាក់នៅ ជាន់ទី៣ ជាកន្លែងទំនេរសំរាប់ប្រជុំ ឫ លំហែរកាយ

និង ជាន់ទី៤ ជាកន្លែងសំរាប់ដាក់សីទែនទឹកដែលផ្ទុកចំនុះទឹកបាន ៨០០០០ លីត្រ ហើយក៏មានអាងទឹកក្រោមដីដែលអាចស្ទុកទឹកបានរហូតដល់ ៥០០០០ លីត្រផងដែរ។ អគាអាងទឹកនេះត្រូវបានជួយឧបត្ថម្ភ ដោយការិយាល័យកណ្ដាលរបស់អង្គការដុន បូស្កូ អន្តរជាតិនៅប្រទេសអាលឺម៉ង់ នៃទីក្រុង បុន និង ក៏មានការចូលរួមឧបត្ថម្ភពីអង្គការ Roter Dam ដែលចំណាយទឹកប្រាក់អស់ប្រមាណជិត៥មឺនដុល្លារអាមេរិច។

ស្របពេលជាមួយគ្នានោះដែរ លោកឪពុក ចន វីសឺ (Jhon Visser) បានកោតសរសើរដល់គណៈគ្រប់គ្រង់សាលាដុនបូស្កូខេត្តកែប

ដែលបានរៀបចំសាងសង់អាគារយ៉ាងច្រើនសំរាប់សិក្សា និង ស្នាក់នៅ ហើយគាត់ក៏បានអរគុណដល់ម្ចាស់ជំនួយដែលបានឧបត្ថម្ភដល់សាលានេះឲ្យមានការរីកចម្រើនឡើងដល់សព្វថ្ងៃនេះ។

នៅក្នុងឱកាសដ៏ពិសេសនោះ លោក អភិបាល អូលីវីយែរ មានប្រសាសន៍ថា គាត់សប្បាយចិត្តណាស់ដោយសារតែកាលពីមុនទីតាំងនេះជាព្រៃប៉ុណ្ណោះ តែឥឡូវនេះបានប្រែក្លាយទៅជាសាលាដែលមានភាពស្រស់ស្អាត ហើយគាត់មានមតិផ្តាំផ្ញើរដល់និស្សិតគ្រប់រូបអោយខិតខំរៀនសូត្រដើម្បីជួយអភិវឌ្ឍន៍ប្រទេសជាតិអោយមានភាពរីកចំរើន។

ជាចុងក្រោយគណៈអធិបតី អញ្ជើញកាត់ខ្សែបូរដើម្បីសម្ពោធ និង ដាក់អោយប្រើប្រាស់ជាផ្លូវការ ហើយគណៈអធិបតី និង ភ្ញៀវកិត្តិយស ក៏បានដើរទស្សនាកន្លែកមួយចំនួននៅក្នុងសាលាផងដែរ។

អានបន្ត

Saturday, May 4, 2013

ការ៉េម អ៊ីតាលី ជេលេតូ អ៊ីតាលីយ៉ាណូ

9:25 PM

Unknown

សព្វថ្ងៃនេះវត្តមាននៃការ៉េមអ៊ីតាលី ជេលេតូ អ៊ីតាលីយ៉ាណូ មាននៅប្រទេសកម្ពុជាហើយ។ ដែលមានទីតាំងនៅក្នុងសណ្ឋាគារ ដុនបូស្កូ ខេត្តព្រះសីហនុ និង នៅក្នុងហាងកាហ្វេ អ៊ីនធើណេត ព្រៃធំ ដែលមានទីតាំងនៅ ភូមិថ្មី សង្កាត់ព្រះធំ ក្រុងកែប ខេត្តកែប ហើយការ៉េមនេះប្រើបច្ចេកទេសផលិតមកពីប្រទេសអ៊ីតាលីពិតៗ និងមានទីតាំងផលិតនៅសណ្ឋាគា ដុនបូស្កូ ខេត្តព្រះសីហនុ ដោយបងប្រុស រ៉ូបែតតូ (Roberto) ដែលជាប្រធានផ្នែកសណ្ឋាគាផ្ទាល់តែម្ដង។

សម្រាប់វត្តមានការ៉េមជេលេតូ អ៊ីតាលីយ៉ាណូ នៅកាហ្វេ អ៊ីនធើណេត ព្រៃធំ មានច្រើនរសជាតិដូចជា៖

រសជាតិ ទឹកដោះគោ (Milk Ice-cream)
រសជាតិ វ៉ាន់នីឡា (Vannila Ice-cream)
រសជាតិ ស្វាយ (Mango Ice-cream)
រសជាតិ ក្រូច (Limon Ice-cream)
រសជាតិ ស្រកានាគ (Dragon fruit Ice-cream)
រសជាតិ អូវ៉ាន់ទីន (Nutela Ice-cream)
រសជាតិ ម្នាស់ (Pineapple Ice-cream)

ដែលមានតម្លៃសមរម្យ សម្រាប់ភ្ញៀវខ្មែរក្នុងមួយស្កូប(Scoop)តម្លៃ ៣០០០៛ និង ភ្ញៀវបរទេសក្នុងមួយស្កូប(Scoop)តម្លៃ ៤០០០៛ (1$)។

សម្រាប់នៅក្នុងហាង កាហ្វេ អ៊ីនធើណេត ព្រៃធំ នេះដែររសជាតិនៃការ៉េមដែលជាទីពេញនិយមជាងគេគឺរសជាតិ

វ៉ាន់នីឡា (Vannila Ice-cream)
ស្រកានាគ (Dragon fruit Ice-cream)
អូវ៉ាន់ទីន (Nutela Ice-cream)

ហើយសម្រាប់ការ៉េម ជេលេតូ អ៊ីតាលីយ៉ាណូ ក្នុងហាងកាហ្វេ អ៊ីនធើណេត ព្រៃធំ នេះក៏មានសាខាលក់មួយកន្លែងនៅក្នុងក្រុងកែប នៅក្នុងហាងមួយដែលមានឈ្មោះថា “ក្ដាម” ក្នុងតម្លៃ៨០០០៛ (2$) ក្នុងមួយស្កូប (Scoop) សម្រាប់គ្រប់ភ្ញៀវទាំងអស់។

ក្រៅពីការលក់ការ៉េមនេះក្នុងហាង កាហ្វេ អ៊ីនធើណេត ព្រៃធំ មានលក់ ភេសជ្ជៈគ្រប់ប្រភេទ អាហារនំ ទឹកដោះគោ កាហ្វេ ទឹកក្រឡុក និងស្រាក្រឡុង និងការដាក់ឲ្យមានការប្រើប្រាស់អ៊ីនធើណេតដែលស្របទៅតាមស្តង់ដាសណ្ឋាគារ។

សម្រាប់ប្រភេទផ្សេងៗនៃស្រាក្រឡុងវិញមានដូចជា៖

Daiquit
Gin Fizz
Magarita
Mojito
Pink Lady
B52

ដែលធ្វើការក្រឡុងជូនដោយសិស្សជំនាញក្នុងផ្នែកសណ្ឋាគាររបស់សាលាសណ្ឋាគាដុនបូស្កូខេត្តកែបផ្ទាល់តែម្ដង។

តាមរយៈពាក្យសម្ដីរបស់អ្នកលក់ម្នាក់ឈ្មោះ ឈែល ឈី បានឲ្យដឹងថាក្នុងមួយខែហាងកាហ្វេ អ៊ីនធើណេត ព្រៃធំ អាចរកចំនូលបានជាមធ្យម ប្រមាណ ១០០០$ និង ប្រាក់ចំណេញជាមធ្យមប្រមាញ ១០០$ ទៅ ២០០$ ក្នុងមួយខែ។

អានបន្ត

Friday, April 26, 2013

សិក្ខាសាលាស្ដីពីគោលនយោបាយភូមិឃុំមានសុវត្តិភាពនៅសាលាបច្ចេកទេសដុនបូស្កូ

9:06 PM

Unknown

កាលពីព្រឹកថ្ងៃទិ២៥ខែមេសាឆ្នាំ២០១៣កន្លងទៅថ្មីនេះ នៅមជ្ឈមណ្ដលបណ្ដុះបណ្ដាលវិជ្ជាជីវៈដុនបូស្កូខេត្តកែប មានកិត្តិយសទទួលស្វាគមន៍រដ្ឋបាលក្រុងកែបដែលដឹងនាំដោយ ឯកឧត្ដម ងិនវណ្ណដា ជាអភិបាលក្រុងកែប ព្រមទាំងអធិការប៉ុស្ដន៍នគរបាល និង អវុធហដ្ថ មន្ដ្រីប៉ូលីស និងក្រុមការងារពាក់ពាន់មួយចំនួនទៀត មកធ្វើការផ្សព្វផ្សាយពីគោលនយោបាយភូមិឃុំមានសុវត្តិភាព ដល់សិស្សានុសិស្ស លោកគ្រូអ្នកគ្រូនិងបុគ្គលិកនៃមជ្ឈមណ្ដលបណ្ដុះបណ្ដាលវិជ្ជាជីវៈដុនបូស្កូខេត្តកែបទាំងមូល។ជាកិច្ចបើកកម្មវិធីអធិការប៉ុស្ដន៍នគរបាលលោក មុំ ស៊ីថា ឡើងបង្ហាញពិគោលនយោបាយភូមិឃុំមានសុវត្តិភាព ដែលមាន៩ចំនុចដូចជា៖

1. គ្មានអំពើលួចឆកប្លន់

2. នាការដាំដុះ ផលិត ចរាចរណ៍ និង ប្រើប្រាស់គ្រឿងញៀន

3. នាអំពើអាណាចារ ជួញដូរស្ដ្រីនិងកុមារ ព្រមទាំងគ្មានអំពើហិង្សា

4. គ្មានក្មេងទំនើង

5. គ្នានការប្រព្រឹត្តិល្បែងស៊ីសងផ្សេងៗ និងប្រព្រឹត្តបទល្មើស

6. គ្មានគ្រោះថ្នាក់ចរាចរណ៍

7. គ្មានអាវុធយុទ្ធភ័ណ្ឌមិនទាន់ផ្ទុះ

8. មានវិធានការក្នុងគ្រោះមហន្តរាយ

9. គ្មានការត្រួតពិនិត្យខុសច្បាប់។

ព្រមទាំងមានការបកស្រាយយ៉ាងក្បោះក្បាយ។ ជាចុងក្រោយនៃការឡើងបង្ហាញរបស់លោកអធិការប៉ុស្ដន៍នគរបាលលោកមានមតិផ្ដាំផ្ញើរឲ្យយុវជននិងលោកគ្រូអ្នកគ្រូទាំងអស់មានការចូលរួមក្នុងសកម្មភាពគោលនយោបាយភូមិឃុំមានសុវត្តិភាពទាំងអស់គ្នាដោយមានការរាយការណ៍ដល់នគរបាលតាមរយៈលេខទូរស័ព្ទ និង ប្រអប់សំបុត្រដោយមន្ដ្រីប៉ូលិសប៉ុស្ដន៍នគរបាលទាំងអស់នឹងមិនបង្ហាញពីអត្តសញ្ញាណនៃប្រភពរាយការណ៍នោះទេ ហើយសំនូមពរឲ្យមានការគោរពច្បាប់ចរាចរណ៍និង មានការធ្វើស្លាកលេខម៉ូតូដាក់កញ្ចក់ ពាក់មួកសុវតិភាពឲ្យបានគ្រប់គ្នា។

បន្ទាប់ពីការធ្វើបទបង្ហាញរួចមកឯកឧត្ដម ងិន វណ្ណដា មានមតិសនេះសំណាលនិងបានបញ្ចាក់បន្ថែមពីគោលនយោបាយភូមិឃុំមានសុវត្តិភាពព្រមទាំងផ្ដល់អនុសាសន៍ល្អៗ សម្រាប់ធ្វើការអប់រំដល់សិស្សនិស្សិតទាំងអស់។

និងជាចុងបញ្ចប់ឯកឧត្ដមបានឲ្យលើកជាសំនួរដើម្បីស្វែងយល់ឲ្យកាន់តែច្បាស់ និងបកស្រាយនូវចំងល់ទាំងអស់របស់សិស្សនិសិ្សតព្រមទាំងលោកគ្រូអ្នកគ្រូនិងជាចុងបញ្ចប់ឯកឧត្ដមបានធ្វើការជូនពរដល់សិក្ខាកាមដែលចូលរួមទាំងអស់និងបិតកម្មវិធី៕

អានបន្ត

ការបន្ទុះគ្រាប់បែកក្នុងការប្រកួតកីឡារត់ម៉ាឡាតុងនៅទីក្រុងប៊ូស្តុន

4:42 PM

Unknown

ប្រភពពីសហរដ្ឋអាមេរិកបាននិយាយពីថ្ងៃចន្ទថា៖ “ការបន្ទុះគ្រាប់បែកក្នុងការប្រកួតកីឡារត់ម៉ាឡាតុងនៅទីក្រុងប៊ូស្តុនគឺមានការសង្ស័យទៅលើយុវជនម្នាក់ឈ្មោះ ឌីសហូខា ធីសានែវ ដែលគាត់បានឆ្លើយប្រាប់អ្នកត្រួតពិនិត្យពីបងប្រុសរបស់គាត់ តាមើលែន ដែលបានបើករថយន្ដយ៉ាងលឿននៅមុនមួយសប្ដាហ៍នៃការវាយប្រហារពីគ្រាប់បែកហើយក៏មិនមានក្រុមភារវកម្មអន្តរជាតិណាមួយនៅពីក្រោយពួកគេនោះដែរ”។

ប្រភពបាននិយាយថា៖ ការផ្ដើមសម្ភាសជាមួយ ធីសានែវ គាត់បានបញ្ជាក់ពីសកម្មភាពបងប្អូនពីរនាក់ដែលធ្វើការបន្ទុះគ្រាប់បែកនេះដោយសារតែបញ្ហារសង្គ្រាមសាសនា។ ធីសានែវ បានធ្វើឲ្យមានស្នាមបំផ្លិច អ្នករបួស និង មនុស្សបាត់បង់ជីវិតនៅមន្ទីពេទ្យទីក្រុងប៊ូស្តុន។ គាត់បាននិយាយថាបងប្រុសរបស់គាត់ជាអ្នកសម្លាប់និងធ្វើឲ្យរបួសក្នុងរយៈពេលដ៏ខ្លីកាលពីថ្ងៃសុក្រ និងចង់ការពារសាសនាអ៊ីស្លាមពីការវាយប្រហា។

ប្រភពពីរដ្ឋាភិបាលបានបន្តរក្នុងការសម្ភាសថាវាជាការឈឺចាប់ហើយក្នុងគណនីរបស់ ធីសានែវ ត្រូវការត្រួតពិនិត្យដោយអ្នកជំនាញដើម្បីស្វែងយល់តាមដានពីគាត់។

និងការិយាល័យសហព័ន្ធច្បាប់បាននិយាយទៀតថាអ្នកជំនាញការមិនបានឃើញមានអ្វីដែលបង្ហាញពីតម្រុយគឺការធ្វើការជាមួយអ្នកដទៃផ្សេងទៀតទេ។ការងារជាច្រើនបានស្រាវជ្រាវឡើងវិញមុនពេលពួកគេនិយាយពីអាថ៌កំបាំងគឺគ្នានអ្នកផ្សេងទៀតជាប់ទាក់ទងនឹងរឿងនេះឡើយដែលលិទ្ធផលជាផ្លូវការមិនបានបញ្ជាក់ពីភាពជាក់លាក់ណាមួយនៅឡើយនោះទេ។

គាត់ជាយុវជនដែលមានអាយុ១៩ឆ្នាំហើយមានភាពក្លាហានជាមួយនឹងការប្រើប្រាស់និងការរួមគំនិតក្នុងការធ្វើបទឧក្រិតដោយប្រើប្រាស់អាវុធគ្រាប់បែកនិងធ្វើឲ្យមានវិនាសកម្មដល់អាចឲ្យបាត់បង់ជីវិត។

អានបន្ត

នៅចំពោះមុខនៃទីផ្សាកុំព្យូទ័រ វីនដូអេច បានបង្ហាញលក់ដាច់យ៉ាងខ្លាំង

6:28 AM

Unknown

ក្រុមហ៊ុនវីនដូរបស់ ម៉ៃក្រូស៊ូហ បានបាត់បង់២៣%ទៅលើពន្ធដាស្មើនឹង៣ភាគ៤នៃចំនូលរបស់ក្រុមហ៊ុន។ ដោយមិនរាប់បញ្ចូលការលក់មុនពេលកំណត់ដែលធ្វើការនាំចេញមុនការកំណត់ ការលក់វីនដូគឺនៅមានកម្រឹតទាបដែលវាល្អក្នុងទីផ្សារកុំព្យូទ័រនៃការថុះថយល្បឿន។

ការចែកចាយរបស់ក្រុមហ៊ុន ម៉ៃក្រូស៊ូហ កើនឡើង២%ក្នុងមួយម៉ោង។

ក្រុមហ៊ុនបាននិយាយថាវាគឺមានលក្ខណៈគ្រប់គ្រាន់ជាមួយនឹងស្នាដៃដ៏វិសេសនៃវីដូ គឺទទួលបានប្រាក់កម្រៃ១៦%ក្នុងដំណើការនៃវីនដូ៨ ដែលទើបនឹងចាប់ផ្ដើម។ ភាពរួចរាល់របស់វាមើលទៅមានការរើកចម្រើននិងសំទុះខ្លាំងទៅៗ អំពីគុណភាពនិងលក្ខណៈរបស់វាក្នុងសេវាកម្មផ្សេងៗ រួមបញ្ចូលកម្មវិធី អប់ហ្វើស (office) និង អ៊ីចប៉ក (Xbox)។

ក្រុមហ៊ុនម៉ៃក្រូស៊ូហបាននិយាយទៀតថាផលិតផលនៃកម្មវិធី អប់ហ្វើស ៣៦៥ (Office 365 cloud-based productivity suite) ប្រើទុនដល់មួយរយកោដិលានដុល្លាក្នុងឆ្នាំនេះ។

ក្រុមហ៊ុនបានសម្ដែងនូវសេចក្ដីពេញចិត្តជាមួយការកើនឡើង៤៦%នៃ អ៊ិចប៉ក ឡាយ (Xbox Live)។ ក្រុមហ៊ុនមៃក្រូស៊ូហធ្វើឲ្យរីកចម្រើនឡើងពី អ៊ីចប៉ក (Xbox) និង ឃីនេក (Kinect) ឲ្យមានការលក់កើនឡើង៥៦%ច្រើនជាងឆ្នាំមុន។

ក្រុមហ៊ុនម៉ៃក្រូស៊ូហ គឺមានការពេញចិត្តនឹងរឿងដែលប្រធានការិយាល័យផ្នែកហិរញ្ញវត្ថុ ភីតធើ គ្លីន បានសន្យាជាមួយក្រុមហ៊ុនដែលនៅតែរក្សាទំនាក់ទំនងដដែល គឺវាមកពីការផ្លាស់ប្ដូរយុទ្ធសាស្ដ្រថ្មីៗ រួមមានតារាងនៃការលក់ជាកម្មវធី(soft)ដូចជា ការងើបឡើងវិញនៃក្រុមហ៊ុនម៉ៃក្រូស៊ូហនិង វេទិកាវីនដូលើទូរស័ព្ទដៃរបស់ក្រុមហ៊ុន។

លោក គ្លីន បាននិយាយនៅក្នុងវេទិការសារធារណៈរបស់ក្រុមហ៊ុនថា៖ “មើលទៅឲ្យកាន់តែច្បាស់ ពួកយើងនឹងបន្តរបង្កើតក្នុងពេលដ៏វែងឆ្ងាយទៀតនឹងឲ្យមានការរីកចម្រើនទៅតាមសេចក្ដីត្រូវការដើម្បីធ្វើឲ្យដំណើ គ្រោងការណ៍ សេវាកម្ម និងយុទ្ធសាស្ដ្រឆ្ពោះទៅមុខហើយយកមកវិញនូវតម្លៃដែលកំពុងតែកើតមានទៅម្ចាស់ក្រុមហ៊ុន”។

អានបន្ត

Tuesday, April 23, 2013

លូវីស ស៊ូក្វារ៉េសហក់តែតតាមស្មើឆែលស៊ីនិងហួសទៅខាំដៃអ៊ីវ៉ាណូវិក

2:49 AM

Unknown

លូវីស ស៊ូក្វារ៉េស បានតែតបញ្ចូលទីនៅនាទីចុងក្រោយបានធ្វើឲ្យក្រុមហង្សក្រហម លីវើភូល តាមស្មើក្រុមតោខៀវ ឆែលស៊ី ស្របពេលដែលគាត់បានទៅខាំខ្សែរការពារ ឆែលស៊ី ប្រានីស្លេវ អ៊ីវ៉ាណូវិក។

នៅនាទីទី២៦អូស្កាបានសម្រេចគ្រាប់បាល់បញ្ចូលទីដោយការតែតបាល់លើកជ្រុងនឹងធ្វើឲ្យអ្នកទស្សនាកក្រើកពីកៅអីក៏ប៉ុន្តែរមកដល់នាទីទី៥២ ដានីញែល ស្តូរីត ដែលជាអតីតកីឡាករនៅក្លឹប តោខៀវ ឆែលស៊ី ដែលទើបនឹងផ្លាស់ប្ដូរចូលហង្សក្រហមលីវើភូលរូបនេះក៏បានស៊ុតបាល់ដោយបច្ចេកទេសក្រោមការលើកឆ្លងពីកីឡាករស៊ូក្វារ៉េសតាមស្មើវិញបន្ទាប់មកបាន៥នាទីគឺនាទីទី៥៧ ហាហ្សាតមានឪកាសស៊ុតបាល់ពិន័យ១១ម៉ែតនាំមុខលីវើភូលវិញ តែភាពអស្ចារ្យមួយបានកើតឡើងលើលីវើភូលដោយលូវីស៊ូក្វារ៉េស បានតែតបាល់បញ្ចូលទីតាមស្មើវិញ ហើយគាត់ក៏ បានខាំដៃកីឡាករខ្សែការពារឆែលស៊ី ប្រានីស្លេវ អ៊ីវ៉ាណួវិកភ្លាមៗនេះដែរ។ ស៊ូក្វារ៉េស បន្ទាប់ពីតាមស្មើវិញនៅនាទីទី៩៧បានធ្វើឲ្យ តោខៀវឆែលស៊ី ជាប់ចំណាត់ថ្នាក់លេខ៤ក្នុងតារាងលីកកំពូលរបស់អង់គ្លេស។

យុវជនអ៊ុយរ៉ាហ្កាយរូបនេះបានតែតបញ្ចូលទីបន្ទប់ពីមានការលើកឆ្លងទៅតំបន់គ្រោះថ្នាក់នៅជិតបញ្ចប់ម៉ោងនៃការប្រកួតហើយក៏ហួសទៅខាំដែរបស់អ៊ីវ៉ាណូវិក។

រឿងរ៉ាវនេះបានកើតឡើងនៅកន្លែងដែលគាត់បានតែតបាល់បញ្ចូលទីបន្ទាប់ពីការលើកជ្រុង ហើយក៏មានការមិនសុខចិត្តនឹងគាត់ពីសំណាក់កីឡាករមួយចំនួនដែរគិតគាត់ក្នុងផ្លូវមិនល្អ។វាមិនមែនជាពេលដំបូងដែលគាត់បានធ្វើរឿងបែបនេះកើតឡើងដូចដែលគាត់ត្រវបានគេហាមចូលលេង៧ប្រកួតបន្ទាប់ពីគាត់បានខាំខ្សែរបម្រើកណ្ដាលក្លឹប ភីអេសវី អ៊ីនហូវែន ឈ្មោះ អូតម៉ាន ប៉ាកកាល់នៅឆ្នាំ២០១០។

អានបន្ត

Tuesday, April 16, 2013

ល្បែងសី

10:59 PM

Unknown

ល្បែងសី

ល្បែងសី ជាល្បែងមួយយ៉ាងសម្រាប់មនុស្សប្រុសកំលោះ ឬចំណាស់ៗ គេលេងនៅទីវាល នាពេលថ្ងៃរសៀលត្រជាក់ នៅរដូវរំហើយ ឬនៅពេលបុណ្យទានផ្សេងៗ នាទីវត្តអារាម ។
   សីមាន ៣ យ៉ាងគឺ ៖
   ក. សីមីលោង
   ខ. សីដក់
   គ. សីពែន
   សីទាំង ៣ យ៉ាងមានប្រដាប់សម្រាប់លេង និងរបៀបលេងប្លែកពីគ្នា ដូចរៀបរាប់តទៅនេះ៖
   ក. សីមីលោង វត្ថុដែលគេយកមកធ្វើសីនេះ គឺគេយកបន្ទះផ្ដៅ ឬរំពាក់មកចាក់ជាក្រឡាភ្នែកក្រួច ឲ្យមានសណ្ឋានមូលប្រមាណប៉ុនត្រឡោកដូងធុនតូច ហើយគេនាំគ្នាទាត់លេង ។
   សកម្មភាពនៃអ្នកលេងសីមីលោង ដូចក្នុងរូបភាពខាងក្រោមនេះ:
   អ្នកលេងសីមីលោងគេបបួលគ្នាចំនួន ៤ ទៅ ៥ នាក់ ដែលគេស្ម័គ្រឲ្យមកឈរដំកង់ជាវង់មូលធំ ឬតូច តាមចំនួនមនុស្សតិចច្រើន ។ ពេលលេងគេចែកជាគូៗ អ្នកណាគូនឹងអ្នកណា ត្រូវឈរទល់មុខអ្នកនោះ ។ មុនដំបូងអ្នកលេងម្នាក់ដែលមានសីនឹងដៃ ក៏តាំងចាប់ផ្ដើមបោះសីទៅឲ្យគូរបស់ខ្លួន គូនោះក៏ទទួលទាត់ដោយខ្នងជើង លុះទាត់ហើយសីនោះក៏អណ្ដែតឡើងខ្ពស់ ហើយធ្លាក់មកវិញ ពេលធ្លាក់នោះ ជួនក៏ចំអ្នកទាត់នោះវិញ ជួនក៏ចំអ្នកដទៃ ហើយអ្នកដែលសីធ្លាក់មកចំនោះក៏ទទួលទាត់ឡើងភ្លាម ។ ចំណែកអ្នកឯទៀតៗ គេត្រៀមខ្លួនចាំ ដោយសម្លឹងប្រុងប្រយ័ត្នភ្នែកជានិច្ច បំរុងតែនិងទាត់នៅពេលដែលសីធា្លក់មកចំខ្លួន ។ ម្នាក់ៗដែលសីធ្លាក់មកចំខ្លួន គេតែងតែស្ទុះទៅទាត់បញ្ជូនទៅឲ្យគូរបស់គេ ។ ប៉ុន្តែជួនក៏បានទៅចំគូរបស់ខ្លួន ជួនក៏ធ្លាក់ទៅចំគូរបស់អ្នកដទៃ ម្លោះហើយគេដណ្ដើមគ្នាទាត់តែរៀងៗខ្លួន ។
   ខ. សីដក់ គេធ្វើដោយបន្ទះផ្ដៅ ឬរំពាក់ ឲ្យមានសណ្ឋានដូចសីមីលោងដែរ ប្លែកតែសីដក់គេធ្វើឲ្យមានទំហំ និងមានក្រឡាធំជាង សីមីលោងបន្តិច ។ សីដកមានរបៀបលេងស្រដៀងនឹង សីមីលោងដែរ ប្លែកតែសីមីលោងគេទាត់ដោយខ្នងជើង ឯសីដក់គេគះដោយកែងដៃ ដោយក្បាលជង្គង់ ដោយស្មា និងដោយក្បាល ។
   សកម្មភាពរបស់អ្នកលេងសីដក់ ដូចរូបភាពនេះ:
   គ. សីពែន គេធ្វើដោយស្លាបសត្វ និងស្បែក ឬស្រកាត្រី គឺពាក់ស្បែកឬស្រកាត្រីត្រួតគ្នា ៣ ឬ ៤ ជាន់ ចៀរជាសណ្ឋានមូល ចោះចំកណ្ដាល ជាប្រហោងហើយយកស្លាបសត្វ ៤ ឬ ៥ ដែលខ្លីៗល្មមមកជ្រំឲ្យស្មើ រួចសកគល់ស្លាបនោះទៅក្នុងរន្ធស្បែក ឬស្រកាត្រីនោះ ហើយបត់ទៅខាងៗ ដោយចងខ្សែលួសឆ្មារភ្ជាប់ទៅនឹងស្បែក ឬស្រកាត្រីនោះ ការពារមិនឲ្យរបួត រួចគេយកទៅទាត់ ។
   សកម្មភាពរបស់អ្នកលេងសីពែន ដូចក្នុងរូបភាពនេះ:
   របៀបលេងសីពែន គេបបួលគ្នាឲ្យបានចំនួនតាំងពី ២ នាក់ឡើងទៅ មកឈរដំកង់ជារង្វង់មូល ទល់មុខគ្នាជាគូៗ គឺអ្នកណាគូនឹងអ្នកណា ត្រូវឈរទល់មុខគ្នានឹងអ្នកនោះ ។ កាលបើឈរស្រួលបួលហើយ ម្នាក់ដែលកាន់សីនៅដៃក៏បោះសីទៅឲ្យម្នាក់ទៀត ដែលជាគូរបស់គេ គូនោះក៏ទទួលទាត់ដោយបាតជើង គឺគេលើកជើងឡើងហើយរលាស់បត់ត្រង់កជើងឲ្យបាតជើងខ្វេរឡើងលើ ដូចគេអង្គុយពែនទើបគេហៅថា ‹សីពែន› ។ ពេលទាត់គេទាត់តម្រង់ឲ្យចំសីៗ ក៏អណ្ដែតឡើង ហើយធ្លាក់ចុះមកវិញ បើធ្លាក់មកចំអ្នកណា អ្នកនោះគេទាត់បន្តឡើងទៀត ,បើធ្លាក់មកចំអ្នកទាត់ដដែលវិញ អ្នកនោះក៏ទទួលទាត់វិញដែរ ។ បើសីធ្លាក់មកចំអ្នកណាហើយអ្នកនោះទទួលទាត់មិនត្រូវ ឬក៏សីនោះធ្លាក់ឆ្ងាយអំពីអ្នកលេងទាំងអស់គ្នា នាំឲ្យអ្នកលេងរត់ទៅទទួលទាត់មិនទាន់ សីក៏ធ្លាក់ដល់ដី បើធ្លាក់ក្បែរកន្លែងអ្នកណាជាងគេ អ្នកនោះគេរើសបោះទៅឲ្យគូរបស់គេ ដើម្បីឲ្យទាត់តទៅទៀត ។ ពេលដែលសីធ្លាក់មកម្ដងៗទាំងអស់គ្នាតែងតែសម្លឹងមើលទៅសីគ្រប់ៗគ្នា ក្រែងធ្លាក់មកចំខ្លួន ជួនក៏អ្នកទាំង ២ នាក់នឹកត្រូវគ្នា គឺនាក់ម្នាក់នឹកថា សីធ្លាក់មកចំខ្លួន ម្នាក់ទៀតក៏ថា ចំខ្លួនដែរ នាំឲ្យស្ទុះទៅទាត់ដណ្ដើមគ្នាក៏មាន ។
   ម្នាក់ៗដែលសីធ្លាក់មកចំហើយ តែងតែមានចិត្តនឹកថា នឹងទាត់បង្វែរទៅឲ្យគូរបស់ខ្លួនៗ តែជួនកាលក៏បានសម្រេច ជួនកាលក៏មិនបានសម្រេចដែរ ដោយសីនោះមិនទៅចំដូចបំណង ។
   សីពែននេះ គេទាត់ឬគះ បានតែដោយបាតជើង,ភ្នែកគោលកែងជើង,កែងដៃ, ក្បាលជង្គង់,ក្បាល,ស្មា ប្រហែលសីដក់ដែរ តែគេហាមផ្ដាត់មិនឲ្យទាត់ដោយខ្នងជើង ឬទះដោយបាតដៃឡើយ ។
   ល្បែងសីទាំង ៣ មុខនេះ បើអ្នកលេងសុទ្ធតែប៉ិនប្រសប់ ក្នុងពេលទាត់មួយលើកៗ សីមិនសូវធ្លាក់ដល់ដីទេ យូរៗទើបមានធ្លាក់ដល់ដីម្ដង ។
   ល្បែងសី ជាកីឡាដ៏ប្រសើរមួយរបស់ខ្មែរ តាំងពីអតីតកាលរហូតមកដល់បច្ចុប្បន្នកាលនេះ ក៏នៅតែមានតម្លៃនៅឡើយ ហើយជាកីឡាហាត់ប្រាណមួយយ៉ាង ខាងកាយសម្បទា ប្រហែលនឹងកីឡាបាល់ទាត់ដែរ ៕

អានបន្ត

ការវាយប្រហាពីគ្រាប់បែកនៅទីក្រុង ប៊ូស្តុន

10:58 PM

Unknown

រូបភាពពីកន្លែងសន្តិសុខ អេហ្វ ប៊ី អាយ ដែលបង្ហាញពីរឿងដ៏អាក្រក់មួយនិងការសេសសល់នូវអ្វីដែលជាការវាយប្រហា។

មនុស្សបីនាក់បានស្លាប់រួមបញ្ចូលទាំងក្មេងប្រុសអាយុ៨ឆ្នាំនិងមនុស្សច្រើនជាង១៧០នាក់បានរងរបួសពេលដែលគ្រាប់បែក២គ្រាប់ផ្ទុះនៅជិតទីផ្ដាច់ព្រាត់នៃការប្រកួតកីឡា ម៉ារ៉ាតុង នៅថ្ងៃអង្គារ៍ប្រធានាធិបតីសហរដ្ឋអាមេរិក លោក ប៉ារ៉ាក អូប៉ាម៉ា នឹងទៅត្រួតពិនិត្យមើលព្រឹត្តិការណ៍ដែលបានកើតឡើងនៅទីក្រុង ប៊ូស្តុន នៅថ្ងៃព្រហស្សត្តិ៍នឹងទៅការទៅកំដរជនរងគ្រោះនៅក្នុងគ្រោះថ្នាក់ផ្ទុះគ្រាប់បែកនោះ។

'អ្នកដឹងហេតុការណ៍'

ភ្ងាក់ងារពិសេសរបស់ អេហ្វ ប៊ី អាយ លោក រីឆាត ដែសឡារៀអើ (Richard DesLauriers) បានប្រាប់មកសន្និសិទកាសែតថាផ្នែកមួយនៃសារធាតុនីឡុងបានយកចេញពីកន្លែងកើតហេតុ ហើយនៅតាមដងផ្លូវពោពេញដោយអំបែងគ្រាប់បែកនិងដែកគោលដែលជាការវាយប្រហាពីគ្រាប់បែកគាត់បាននិយាយថាពួកគេគឺបានបញ្ចូនទៅភ្នាក់ងានៃទីពិសោធនៅ ក្វន់ទីកូ នៅ វីជីនៀ ជាកន្លែងដែលអ្នកជំនាញការណ៍អាចមានមធ្យោបាយជួយសង្គ្រោះបាន។

អានបន្ត

Thursday, March 28, 2013

ហ្គូហ្កល

1:37 AM

Unknown

ក្រុមហ៊ុន ហ្គូហ្កល ត្រូវបានបង្កើតឡើង ដោយ Larry Page និង Sergey Brin នៅពេលដែលអ្នកទាំងពីរ មានបំណងរៀននៅ សកលវិទ្យាល័យ Stanford . ហ្គូហ្កល បានបង្កើតជាសាវជីកម្មលើកទីដំបូង ជាក្រុមហ៊ុនឯកជន នៅថ្ងៃទី ០៤ ខែ កញ្ញា ឆ្នាំ ១៩៩៨ , ហើយវា បានបញ្ចេញជាសាធារណៈ នៅថ្ងៃទី ១៩ ខែសីហា ឆ្នាំ២០០៤ ។

ការរីកចម្រើនយ៉ាងឆាប់រហ័ស តាំងពីក្រុមហ៊ុនត្រូវបាន ធ្វើអោយកើតមានឡើងនៅ ផលិតផលដ៏ច្រើន ។

ប្រវត្តិសាស្រ្តរបស់ហ្គូហ្កល

ហ្គូហ្កលបានចាប់ផ្តើមកកើតឡើងនៅឆ្នាំ ១៩៩៦ ដែលបានស្រាវជ្រាវគម្រោងដោយ Larry Page និង Sergey Brin នៅពេលដែលអ្នកទាំងពីរ មានបំណងរៀននៅ សកលវិទ្យាល័យStanfordក្នុងរដ្ឋកាលីហ្វ័រញ៉ា ^[២] ។

ម៉ាស៊ីនស្វែងរកព័ត៌មានដ៏តូចមួយត្រូវបានគេហៅថា "RankDex" ចេញពី សេវាកម្មព័ត៌មាន IDD ដែលបានរចនាដោយ Robin Li តាំងពីឆ្នាំ ១៩៩៦ ។ បច្ចេកវិទ្យាដែលប្រើប្រាស់នៅក្នុង RankDex នឹងមានភាពជាក់ស្តែងច្បាស់លាស់ និង ត្រូវបានប្រើប្រាស់ក្នុងពេលក្រោយនៅពេលដែល Robin Li ត្រូវបានរកឃើញ Baidu នៅប្រទេសចិន ។ កាលពីមុន មានឈ្មោះហៅក្រៅថា «BackRub» ,ប៉ុន្តែត្រូវបានប្តូរឈ្មោះមកជា«Google» ដែលមានកំណើតមកពី ការប្រកបតួខុសនៃពាក្យ«googol» , ដែលបន្ទាប់ពីតួទីមួយ មានលេខ០ ដល់ទៅជាងមួយរយលេខ , ដែលចង់ប្រាប់ថា ម៉ាស៊ីនស្វែងរកនៃ ហ្គូហ្កល អាចផ្តល់នៅបរិមាណព័ត៌មានដ៏ធំទូលំទូលាយ សម្រាប់អ្នកស្វែងរក ទៅតាមចំនួននៃលេខសូន្យនោះ ។ ហ្គូហ្កល ស្ថិតនៅក្រោមដំណើរការរបស់ គេហទំព័រនៃ សកលវិទ្យាល័យស្តេនហ្វត(Stanford University website) , ដែលមានអាស័យដ្ឋានឬឌូម៉ែន (domain)google.stanford.edu ។

អាស័យដ្ឋានពេញនៃ ហ្គូហ្កល (The domain name for Google)ត្រូវបានបង្កើតនៅ ថ្ងៃទី១៥ ខែ កញ្ញា ឆ្នាំ ១៩៩៧ , ហើយនិង កុ្រមហ៊ុនត្រូវបាន បង្កើតជាសាវជីកម្ម នៅថ្ងៃទី៤ ខែកញ្ញា ឆ្នាំ១៩៩៨ ។ វាត្រូវបានពឹងផ្អែកទៅលើដៃគូ (Susan Wojcicki) ដែលជាយានដ្ឋាន នៅក្នុងឧទ្យាន ម៉ែនឡូ(Menlo Park),រដ្ឋកាលីហ្វ័រញ៉ា , Craig Silverstein , ដែលជាសមាជិកនៃ ក្រុមនិស្សិតនៅសកលវិទ្យាល័យ ស្តេនហ្វ័ត , ដែលត្រូវបានជួលជា និយោជកលើកទី១ ។

នៅក្នុង ខែឧសភា ឆ្នាំ ២០១១ , ចំនួននៃអ្នកប្រើប្រាស់ហ្គូហ្កល ជារៀងរាល់ខែមានចំនួនលើសពី ១០លាននាក់ ជាលើកដំបូង , ដែលជាការកើនឡើង ៨.៤ ភាគរយ ចាប់ពីខែឧសភា ឆ្នាំ២០១០ (មាន៩១៣០ លាននាក់)។

អានបន្ត

ហ្វេសប៊ុក (Facebook)

1:23 AM

Unknown

ហ្វេសប៊ុក(ភាសាអង់គ្លេស Facebook ការសេសេរកាត់ FB) គឺជាគេហៈទំព័រមួយ ដែលកំពុងពេញនិយមនៅក្នុងពិភពលោក ដែលគេហៅថាជាប្រភេទបណ្តាញទំនាក់ទំនងសង្គម មួយយ៉ាងទំនើបនិងពេញនិយម។ មិនថាតែនៅបរទេសប៉ុណ្ណោះទេ នៅប្រទេសកម្ពុជា មានអ្នកប្រើប្រាស់ហ្វេសប៊ុក៤៩១៤៨០នាក់ នៅថ្ងៃទី៣១ខែមិនាឆ្នាំ២០១២

ជារៀងរាល់ថ្ងៃមាន ប្រជាជនរាប់លានអ្នកបានលេងហ្វេសប៊ុក។ ការលេងហ្វេសប៊ុកវាមានប្រយោជន៍ដូចជា យើងនិងបានដឹងពី ព័ត៌មានផ្សេងៗតាមរយះការបង្ហោះពីមិត្តភក្តិរបស់អ្នក ជាពិសេសគឺធ្វើអោយយើងមានភាពសប្បាយរីករាយនៅក្នុងចិត្ត និងបំបាត់ស្ត្រេសទៀតផង។

មានមនុស្ស ជាច្រើនយល់ថា ការលេងហ្វេសប៊ុកវាមិនល្អទេហើយមានខ្លះទៀតថាហ្វេសប៊ុកល្អ។ ប៉ុន្តែហ្វេសប៊ុកល្អឬអាក្រក់គឺ អាស្រ័យទៅលើអ្នកលេងទៅវិញទេ។ ប្រសិនបើយើងយកហ្វេសប៊ុកមកលេងឬប្រើការសំរាប់អ្វី ដែលមានប្រយោជន៍ នោះគឺវាមានប្រយោជន៍។ ឥលូវនេះយើងទាំងគ្នានឹងស្វែងយល់ថាតើហ្វេសប៊ុកមាន ដើមកំណើតតាំងពីពេលណា ហើយអ្នកណាជាអ្នកបង្កើតវា។ឥលូវ យើងចាប់ផ្តើមទាំងអស់គ្នា៖

ប្រវត្តិនៃហ្វេសប៊ុក

ហ្វេសប៊ុក ត្រូបានបង្កើតឡើងនៅខែកុម្ភៈឆ្នាំ២០០៤ដោយលោក ម៉ាកហ្សុកឃឺបឺក(Markzuckerberg)និងមិត្តភក្តិរបស់លោក អាដាមឌីអែងជីឡូ(Adam D'Angelo) និង ខលធីច(caltech)ដែលជាមិត្តភក្តិដ៏ល្អបំផុតរបស់លោក។ ដើម្បីបំពេញនូវអ្វីទាំងអស់នេះ លោក ហ្សុកឃឺបឺក(zuckerberg)បានព្យាយាមធ្វើការយ៉ាងខ្លាំងដើម្បីការពារប្រព័ន្ធកុំព្យូទ័ររបស់ ហាវីត(Harvard)និងធ្វើការCopyរាល់អាសយដ្ឋានផ្ទាល់ខ្លួន ដូចជាដូចជាលេខរៀងរបស់រូបភាពជាដើម។ ហារីត(Harvard)នៅពេលនោះមិនទាន់មានសិស្សនៅឡើយ។ទំព័រមុខនៃវ៉ែបសាយ ហ្វេសប៊ុកបានទាក់ទាញអ្នកទស្សនាបានចំនួន 450នាក់ ហើយនឹងមានរូបភាពចំនួន ២២០០០រូបភាពដែលវាជាលើកទី១ នៃការបើកអោយដំណើរការរយះពេលបួនម៉ោងប៉ុណ្ណោះ។ គេហះទំព័រនេះត្រូវបានមានការរីកចំរើននយ៉ាងឆាប់រហ័ស នៅក្នុងចំនោមគេហះទំព័របី បួនដ៏ទៃទៀតនៅក្នុងប្រព័ន្ធអ៊ីនធើណែត ប៉ុន្តែវាត្រូវបានបិទនៅក្នុងរយះពេលពីរ បីថ្ងៃបន្ទាប់ដែលស្ថិតនៅក្រោមការគ្រប់គ្រងរបស់ ហារីត(Harvard)។ហ្សុកឃឺបឺកត្រូវបានចោទប្រកាន់ នៅក្នុងវិវាទផ្ទៃក្នុង។ការប្រព្រឹត្តិបទល្មើស ត្រូវបានរក្សាសិទ្ធ ហើយនឹងសិទ្ធឯកជនរបស់ជនល្មើសនៃការប្រព្រឹត្តិបទល្មើស ហើយបានប្រឈមមុខនឹងការបណ្តេញចេញ។ជាចុងក្រោយទោះបីជាយ៉ាងណាក៏ដោយការចោទប្រកាន់ត្រូវបានបញ្ឈប់។ ហ្សុកឃឺបឺកបានពង្រីកបំនងប្រាថ្នារបស់គាត់បានសំរេចដោយវិសមធម៌ ដែលនៅក្នុងឆមាសនោះដោយបានបង្កើតឧបករណ៍ងាយស្រួលសំរាប់សិក្សានៅក្នុងសង្គមនៃប្រវិត្តិចុងក្រោយនៃសិល្បះ ដោយបានបញ្ជូលរូបភាពរបស់ប្រទេសអាកានីស្ថានជាង៥០០រូបភាពចូលទៅក្នុងគេហះទំព័រនេះជាមួយនឹងរូបភាពមួយនៅក្នុងទំព័រមួយហើយ មានការចូលរួមផ្តល់មតិយ៉ាងច្រើន។គាត់បានបើកគេហៈទំព័ររបស់គាត់អោយមិត្តភក្តិរបស់គាត់ ហើយមនុស្សជាច្រើនបានធ្វើការចែករំលែកនូវអ្វីដែលគេចាប់អារម្មណ៍អោយទៅអ្នកដ៏ទៃទៀតបានដឹង។ បន្ទាប់ពីឆមាសនោះ ហ្សុកឃឺបឺកបានសសេរកូដសំរាប់គេហៈទំព័រថ្មីមួយនៅក្នុងខែមករា ឆ្នាំ២០០៤ គាត់បានពេញចិត្តយ៉ាងខ្លាំង ហើយគាត់បាននិយាយថាដោយបទពិចារណកថានៅក្នុងការគ្រប់គ្រងពីមុនរបស់ ហាវីត (Harvard)ដែលនិយាយអំពីការប៉ះពាល់នៃក្របមុខនៃគេហៈទំព័រ។ នៅថ្ងៃទី៤ ខែកុម្ភះ ឆ្នាំ២០០៤ លោក ហ្សុកឃឺបឺកបានកែប្រែគេហៈទំព័រហ្វេសប៊ុក អោយមានសភាពប្លែកគួរអោយចាប់អារម្មណ៍ជាខ្លាំង។ ៦ថ្ងៃក្រោយមក គេហៈទំព័នេះមានសភាពរីកចំរើន ហើយរៀមច្បងរបស់ហារីត(Harvard)បីនាក់គឺ ខែមរូន វីនលេវវូស(Cameron Winklevoss), ធីលឺ វីនលេវវូស (Tyler Winklevoss) និង ឌីវយ៉ា ណារិនដ្រា(Divya Narendra) បានចោទប្រកាន់ ហ្សុកឃឺបឺកថា ហ្សុកឃឺបឺកមានចេតនាបោកបញ្ឆោតពួកគេអោយជួយធ្ចើគេហៈទំព័រ ទំនាក់ទំនងសង្គមមួយដែលមានឈ្មោះថា HarvardConnection.com ដែលគាត់បានបោកប្រាស់គេអោយធ្វើគេហៈទំព័រនេះសំរាប់ការប្រកួតប្រជែង។មានការរិះគន់បីចំពោះការគ្រប់គ្រងរបស់ ហាវីត(Harvard Crimson) ហើយអ្នកកាសែតបានចាប់ផ្តើមធ្វើការស៊ើបអង្កេត។ ហ្វេសប៊ុកបានបញ្ចូលទៅក្នុងសហគ្រិន សៀន ផាកឃឺ (Sean Parker)នៅក្នុងរដូវក្តៅក្នុងឆ្នាំ២០០៤ ដែលស្ថិតនៅក្រោមជាធម្មតារបស់ ហ្សុកឃឺបឺក រហូតក្លាយទៅជាប្រធានគ្រប់គ្រងក្រុមហ៊ុន។នៅក្នុងខែមិថុនា ឆ្នាំ២០០៤ ហ្វេសប៊ុកបានផ្លាស់ប្តូរទីតាំងទៅ ផាលូ អាល់តូ (Palo Alto) រដ្ឋកាលីហ្វកញ៉ា (California) ហើយវាបានទទួលដើមទុនគ្រាដំបូងនៅក្នុងខែនោះតាមរយះ ផាយ ផាល (Pay pal)ដែលបានដួលរលំ។ ក្រុមហ៊ុននោះបានបោះបង់ឈ្មោះគេហៈទំព័រនោះចោល ហើយបានទិញឈ្មោះផ្សេងមួយទៀតឈ្មោះ facebook.comនៅក្នុងឆ្នាំ២០០៥ ដែលមានតំលៃ ២០០០០០ដុល្លា។ គេហៈទំព័រហ្វេសប៊ុកបានធ្វើការកែប្រែថ្មីបានទៅជាកម្រិតមធ្យម នៅក្នុងខែកញ្ញា ឆ្នាំ២០០៥ ដែលលោកហ្សុកឃឺបឺកបានហៅថា ជំហានបន្ទាប់នៃការកែប្រែសមរម្យ។នៅខណៈពេលនោះកំរិតបណ្តាញទំនាក់ទំនងនោះត្រូវការ ការចូលរួមពីអ្នកប្រើប្រាស់។ហ្វេសប៊ុកបានជ្រើសតាំងសមាជិកបន្ថែម នៃបុគ្គលិកតាមបណ្តាក្រុមហ៊ុនផ្សេងៗ ដោយមាន ក្រុមហ៊ុន Apple Inc និង Microsoft។ហ្វេសប៊ុកត្រូវបានបើកម្ដងទៀត នៅថ្ងៃទី ២៦ ខែកញ្ញា ឆ្នាំ២០០៦ សំរាប់អ្នកប្រើប្រាស់ដែលមានអាយុ ១៣ឆ្នាំ រឺចាស់ជាងនេះជាមួយនឹងអាសយដ្ឋានអ៊ីម៉ែល។ នៅថ្ងៃទី២៤ ខែតុលា ឆ្នាំ២០០៧ក្រុមហ៊ុន Microsoft បានប្រកាសថា គេបានទិញ១,៦%នៃ គេហៈទំព័រហ្វេសប៊ុកក្នុងតំលៃ២៤០លានដុល្លា ហើយបានកំណត់តំលៃសរុបអោយ ហ្វេសប៊ុកក្នុងតំលៃ១៥លានដុល្លា។នៅក្នុងខែតុលា ឆ្នាំ២០០៨ ហ្វេសប៊ុកបានប្រកាសថា គេនឹងតំឡើង ប្រព័ន្ធបញ្ជាអន្តរជាតិមួយនៅក្នុងទីក្រុង ឌុប្លិន(Dublin)ក្នុងប្រទេស អ៊ារីលែន(Ireland)។នៅក្នុងខែកញ្ញា ឆ្នាំ២០០៩ ហ្វេសប៊ុកបាននិយាយថាគេនឹងបង្វិលលុយដែលហូរនៅគ្រាដំបូង។ បន្ទាប់ពីឆ្នាំ២០០៩ ការធ្វើពាណិជ្ជកម្មលើហ្វេសប៊ុកមានការកើនឡើងជាលំដាប់។ហើយមនុស្សភាគច្រើនបានចូលទស្សនាគេហៈទំព័រហ្វេសប៊ុកជាង ហ្គូកហ្គល(Google)នៅចុងខែមិនា ថ្ងៃទី១៣ ឆ្នាំ២០១០។

ម្ចាស់កម្មសិទ្ធ

ម្ចាស់កម្មសិទ្ធមានអាទិភាពច្រើនចំពោះក្រុមហ៊ុនទៅតាមអ្វីដែលអាចធ្វើបាន។លោក ហ្សុកឃឺបឺកមាន២៤% លោក អាកសែល ផាតនឺ (Accel Partners)មាន ១០%, Digital Sky Technologies មាន១០% , Dustin Moskovitz ៦%, Eduardo Saverin មាន ៥% , Sean Parker ៤% ,Peter Thiel មាន៣% Greylock Partners និង Meritech Capital Partners មានចន្លោះពី១ ទៅ ២%នៃម្នាក់ៗ , ក្រុមហ៊ុនMicrosoft មាន១.៣% , Li Ka-shing មាន ០.៧៥% , Interpublic Group មាន តិចជាង០.៥% ហើយនឹងក្រុមតូចមួយដែលបង្កើតថ្មី និង បុគ្គលិកចូលនិវត្តន៍និងជនល្បីល្បាញរបស់ខ្លួន មានតិចជាង១% នៃម្នាក់ៗ ហើយនៅសល់៣០%ទៀតសំរាប់បុគ្គលិកផ្ទាល់ខ្លួនទាំងអស់ ហើយនឹងមិនបានបើកអោយអ្នកដែលមានកេរ្តិ៍ល្បីល្បាញនិងអ្នកចូលរួមពីខាងក្រៅទៀត។ លោក អាដាំ ឌីអែងហ្គូវ (Adam D'Angelo)គឺជាប្រធានមន្រ្តីការរិយាល័យផ្នែកបច្ចេកទេស ហើយនិងមិត្តភក្តិរបស់ ហ្សុកឃឺបឹកដែលបានលាឈប់នៅ ខែមិថុនា ឆ្នាំ២០០៨។សេចក្តីរាយការពីបទបណ្តឹងមួយបាននិយាយថារូបគាត់ហើយនឹង ហ្សុកឃឺបឺកបានឈ្លោះប្រកែកគ្នាហើយថាគាត់មានការលំអៀងទៅលើម្ចាស់កម្មសិទ្ធនៃក្រុមហ៊ុន។

ការគ្រប់គ្រង

វិធីក្នុងការគ្រប់គ្រង់បុគ្គលិកដែលប្រកបដោយជោគជ័យគឺ Sheryl Sandberg (COO), និង Donald E. Graham (Chairman)។ដូចនៅក្នុងខែមេសា ឆ្នាំ២០១១ ហ្វេសប៊ុកមានបុគ្គលិកបំរើការជាង ២០០០នាក់ ហើយមានទីតាំង១៥ប្រទេស។

ផលចំណូល

ផលចំនូលភាគច្រើនរបស់គេហទំព័រហ្វេសប៊ុកគឺបានមកពីការផ្សាយពាណិជ្ជកម្ម។ក្រុមហ៊ុនMicrosoftគឺជាដៃគូរប្រកួតប្រជែងរបស់ហ្វេសប៊ុកក្នុងការផ្សាយពាណិជ្ជកម្មលើអ៊ីនធើណែត។ហើយម្យ៉ាងវិញទៀតហ្វេសប៊ុកទទួលការផ្សាយពាណិជ្ជកម្មណាដែលមាននៅក្នុងMicrosoftដែរ។ហ្វេសប៊ុកជាទូរទៅបានធ្លាក់កំរិតការគាំទ្រនៃការផ្សាយពាណិជ្ជកម្មជាងគេហទំព័រធំៗជាច្រើនទៀត។បើយោងតាមគេហទំព័រ Week.comបានអោយដឹងថារាល់ការផ្សាយពាណិជ្ជកម្មនៅលើគេហទំព័រគឺមានចំនួន១/៥នៃការចុចចូលបើប្រៀបធៀបទៅនឹងគេហទំព័រទាំងនេះទាំងមូល។បើទោះបីជាយ៉ាងក៏ដោយការប្រៀបធៀបជាក់លាក់ដែលអាចនិយាយថាមានភាពខុសគ្នាយ៉ាងខ្លាំងចំពោះគេហទំព័រនេះ។ឧទាហរណ៍ ៖ ខណៈដែលអ្នកប្រើប្រាស់នៅលើគេហទំព័រហ្គូកហ្គលបានចុចលើការផ្សាយពាណិជ្ជកម្មណាមួយយជាលើកទីមួយដើម្បីធ្វើការស្វែងរកលទ្ធផលអ្វីមួយដែលមានភាគរយ៨%សំរាប់ការចុចម្តងជាលើកដំបូង(ចុច ៨០,០០០ដងស្មើរនឹងការស្វែងរក១លានដងរបស់អ្នកប្រើប្រាស់)។ឯហ្វេសប៊ុកមានភាគរយ០.០៤%សំរាប់ការចុចម្តងលើកដំបូង(ចុច៤០០ដងស្មើរនឹង១លានទំព័ររបស់អ្នកប្រើប្រាស់)។ សារ៉ាស៍ ស្ម៊ីតធ្លាប់ជាអ្នកគ្រប់គ្រងលក់តាមOnlineរបស់ហ្វេសប៊ុក។

អានបន្ត

Pages

ដុនបូស្កូកែប

Facebook LIKE

ផ្ទាំងសញ្ញា

វីគីភីឌាខ្មែរ

Pages

Social Icons

បណ្ដុំ ​ពត៌មាន

Followers

About Me

Arsip Blog

Popular Posts

Featured Posts

ពត៌មានកីឡា

វប្បធម៌និងសាសនា

សិល្បៈកម្សាន្ដ

ទស្សនៈវិទ្យា

ពត៌មានជាតិ

Tuesday, November 5, 2013

Sunday, November 3, 2013

Friday, November 1, 2013

Thursday, October 31, 2013

Saturday, May 4, 2013

Friday, April 26, 2013

Tuesday, April 23, 2013

Tuesday, April 16, 2013

Thursday, March 28, 2013

បកប្រែទំព័រ

អ្នកទស្សនា

អត្ថបទថ្មីៗ

ពាក្យស្លោកប្លក់

ចំណាត់ថ្នាក់ក្រុម

ពត៌មានដែលបានផ្សព្វផ្សាយ

បណ្ដុំ ពត៌មាន