មិត្តដ៏កំសត់

មិត្តដ៏កំសត់

ស្នាមញញឺមនិងភាពសប្បាយរីករាយបានផ្លាស់ប្ដូរវិញនូវ ការយំទួញសោក និង ភាពមិនសប្បាយរីករាយ 

ហើយ​​សកម្ម​ភាព ដែលធ្លាប់តែកើតមានរស់រវើកនូវ ការងារ ការសិក្សា ការធ្វើកីឡា ដំណើកំសាន្ដ​ ក៏បានផ្លាស់​

ប្ដូរវិញ​ទាំងអស់ ហើយកែប្រែទៅជា ការប្រកបរបរជាកម្មករ​ កម្មការនី  ដើម្បីចិញ្ចឹមគ្រួសារទៅវិញ។

• ហេតុអ្វីបានជាបញ្ហារគ្រួសារអាចបញ្ឈប់ការសិក្សា និង បញ្ចប់បំណងប្រាថ្នារបស់សមាជិក​គ្រួសារ?
• តើយើងអាចដោះស្រាយបញ្ញាគ្រួសារដោយវិធីផ្សេងៗបានដែរឬទេ ក្រៅពីបញ្ឈប់ការសិក្សា?

ក៏ដូចជាបញ្ហារខាងលើនេះដែរ នៅមជ្ឈមណ្ដលបណ្ដុះបណ្ដាលវិជាជីវៈ ដុនបូស្កូកែប មានយុវនារីម្នាក់ ឈ្មោះ 

ទុយ ចាន់ណា ជាសិស្សផ្នែកទំនាក់ទំនងសង្គម និង សារពត៌មាន នៅមជ្ឈមណ្ដលបណ្ដុះបណ្ដាលវិជ្ជាជីវៈ 

ដុន បូស្កូកែប មកពី ខេត្តកណ្ដាល បានសម្រេចចិត្តបញ្ឈប់ការសិក្សាររបស់​ខ្លួនដោយសារបញ្ហារជីវភាព​

គ្រួសារ តាមការបញ្ជាក់​របស់នាង​បាន​ឲ្យ​ដឹងថា នាងមិនចង់ចាក់ចេញពីសាលា ឬក៏​ចង់ឈប់រៀនោះទេ 

តែដោយ​សារនៅក្នុងគ្រួសាររបស់​នាងសព្វថ្ងៃជួប​ប្រទះ​បញ្ហារ ជាច្រើនដែលនាងមិនអាចរៀបរាប់អស់​​តែ​

បញ្ហារ​​​មួយក្នុងចំណោមបញ្ហារទាំងនេះ គឺ​បញ្ហារកង្វះខាតក្នុងជីវៈភាព។ ហើយ​នាងបាននិយាយទាំងយំថា 

នាងពិតជាពិបាកខ្លាំងណាស់ ព្រោះការចេញរក​លុយ​​ជា​ការសំខាន់ ហើយនាង​ចង់​ចេញ​រក​លុយ​ដើម្បីជួយ

​គ្រួសារ​​​ខ្លាំង​ណាស់ ប៉ុន្តែរមិនមែនចង់ជាកម្មការនីទេ គឺរកលុយដោយ​កម្លាំងប្រាជ្ញាដោយនាងចង់បន្តរ​ការ​

សិក្សា​ របស់​នាង គឺសិក្សារបណ្ដើរធ្វើការបណ្ដើរ ឬ  បញ្ចប់ការ​​សិក្សាហើយទើបរកការងារធ្វើ តែពេលនេះ​​នាង​ 

មិន​អាច​​មានជម្រើសអ្វីផ្សេងក្រៅពីបញ្ឈប់ការសិក្សា ហើយរកការងារធ្វើដើម្បីជួយគ្រួសារទេ។ 

ជីវិតពោពេញដោយសេក្ដីលំបាក​បែបនេះគ្មានអ្នកណាចង់ជួបប្រទះទេ តែដោយកង្វះខាត និង ការទាល់ច្រក​

អាច​ធ្វើ​ឲ្យមនុស្សក្បត់ឧត្ដមគតិខ្លួន ហ៊ាន​លុប​ចោលអនាគត់ដែលខ្លួនឯងធ្លាប់បានគូសដោយផ្ទាល់ដៃចោល 

ព្រមទាំងស៊ូទ្រាំលំបាកម្នាក់ឯង។ មិត្តភក្ដិដ៏អភព្វអើយ​តើខ្ញុំ​អាចជួយអ្វីអ្នកបានខ្លះ?