ការបើកឲ្យប្រើប្រាស់ជាផ្លូវការ ការិយាល័យ ច្រកចេញចូលតែមួយ និង ការិយាល័យប្រជាពលរដ្ឋ

ការបើកឲ្យប្រើប្រាស់ជាផ្លូវការ ការិយាល័យច្រកចេញចូលតែមួយ និង ការិយាល័យប្រជាពលរដ្ឋ


នៅពេលព្រឹកថ្ងៃទី ១៤ ខែ កុម្ភៈ ឆ្នាំ២០១៣ នៅ សង្កាត់ ក្រុងកែប ខេត្តកែប មានការបើកឲ្យប្រើ​ប្រាស់ជាផ្លូវការ នូវការិយាល័យ ច្រកចេញចូលតែមួយ ប្រចាំខេត្តកែប ដែលការិយាល័យនេះមាន​ការសម្ភោតតាំងពីថ្ងៃទី ៥ ខែ ធ្នូ ឆ្នាំ ២០១២ មកម្លេះ។ហើយនៅក្នុងកម្មវិធីនេះដែរមានការចូលរួមពី​ អភិបាលខេត្តកែប ឯកឧត្ដម កែនសត្ថា ជាគណអធិបតី សមាជិក សមាជិការការរិយាល័យ ច្រក​ចេញចូលតែមួយ សិស្សានុសិស្ស សិស្សនិស្សិត និង អ្នកធ្វើការក្នុងក្រុមហ៊ុន​ ក្រសួងនានា ប្រមាណ​៥០០​នាក់។ ការិយាល័យច្រកចេញចូលតែមួយនេះគឺជាគម្រោងថ្មីរបស់រាជរដ្ឋាភិបាលកម្ពុជា ដែលធ្វើ​ឡើយដើម្បី៖

1. បម្រើសេវារដ្ឋបាលដល់ប្រជាពលរដ្ឋឲ្យបានទាន់ពេលវេលា មានតម្លាភាព និងស្រប​តាម​និតិវិធីសាមញ្ញ 
2. កន្លែងប្រមូលផ្ដុំសេវាកម្ម និង នីតិវិធីរដ្ឋបាលមួយចំនួននៅកន្លែងតែមួយ
3. កន្លែងដែលអតិថិជនមកទទួលទម្រង់បែបបទ និង ទទួលពត៌មានគ្រប់គ្រាន់ ច្បាស់លាស់​ស្ដី​ពីការផ្ដល់សេវាសាធារណៈផ្សេងៗន និងការបង់កំរៃសេវាកម្ម
4. កន្លែងផ្ដល់លទ្ធផលសម្រេចជាផ្លូវកាលើសេចក្ដីស្នើសុំដល់អតិថិជនវិញ។ 

ការិយាល័យច្រកចេញចូលតែមួយនេះមានបម្រើសេវាកម្មដូចជា៖     

    

                          វិស័យសាធារណការ និង ដឹកជញ្ជូន

• ចុះបញ្ជីទោចក្រយានយន្ដ ត្រីចក្រយាន ត្រីចក្រយានយន្ដ(ចេញស្លាកលេខម៉ូតូ)
• ធ្វីលិខិតអនុញ្ញាតធ្វើអាជីវកម្មដឹកជញ្ជូន

                          វិស័យរៀបំដែនដី នគរូបនីយកម្ម និង សំណង់

• លិខិតអនុញ្ញាតសាងសង់និងជួសជុល

1. ភូមិគ្រិះ ផ្ទះល្វែង មិនលើសពី៥០០ម៉ែតការ៉េ និង មិនលើសពី ពីរជាន់
2.  របងមិនលើសពី ពីរម៉ែត

                          វិស័យនីត្យានុកូលកម្ម

• បញ្ជាក់លើឯកសាថតចម្លង

1. វិញ្ញាបនបត្រប្រកបអាជីវកម្ម
2. បណ្ណសំគាល់យានយន្ដ
3. ព្រឹត្តិបត្រពិន្ទុ វិញ្ញាបនបត្របញ្ជាក់ការសិក្សា
4. សៀវភៅស្នាក់នៅ អត្តសញ្ញាណបណ្ណ.......

                          វិស័យវប្បធម៌ និង វិចិត្រសិល្បៈ

• លិខិតអនុញ្ញាតលើ

1. កម្មវិធីសម្ដែងផ្សេងៗ ឬ បញ្ចាំងភាពយន្ដចល័ត
2. អាជិវកម្មជួល-លក់ស្នាដៃសិល្បៈ​ភាពយន្ដវីដេអូ
3. អាជិវកម្មសិល្បសូន្យរូបខ្នាតតូច
4. លើស្លាកសញ្ញាអាជីវកម្ម
5. អាជីវកម្មទាក់ទងនឹងគ្រឿងបំពងសម្លេង

                           វិស័យឧស្សាហកម្មរ៉ែ និង ថាមពល

• ចុះបញ្ជីសិប្បកម្ម និង បន្តវិញ្ញាបនបត្រសិប្បកម្មដែលទុកសមមូលសរុបតិចជាង៥០០០ដុល្លា​

                           វិស័យទេសចរណ៍

• ផ្ទះសំណាក់ មិនលើសពី៨បន្ទប់ 
• ភោជនីយដ្ឋានមិនលើសពី៥០នាក់ អាហារដ្ឋាន អាហារដ្ឋានតាមរមណីយដ្ឋាន តូបលក់អាហារ ហាងគុយទាវ-កាហ្វេ បំរើភ្ញៀវទេសចរណ៍
• កន្លែកម៉ាស្សាតាមរបៀបបុរាណក្រោម៥គ្រែ
• ម៉ូតូឌុបទេសចរណ៍រ រ៉ឺម៉កម៉ូតូដឹកទេសចរណ៍ រថយន្ដដឹកទេសចរណ៍ចំណុះ ៥កៅអី......

                            វិស័យពាណិជ្ជកម្ម

• អាជីវករដែលជាប់កាតព្វកិច្ចបង់ប៉ាតង់ជូនរដ្ឋ
• ការផ្លាស់ប្ដូរទីតាំងប្រកបអាជិវកម្ម

                           វិស័យកសិកម្ម

• វិញ្ញាបនបត្រអនាម័យសត្វ និង ផលិតផលមានដើមកំណើតពីសត្វ
• លិខិតអនុញ្ញាតធ្វើអាជិវកម្មលក់ដុំលក់រាយសម្ភារៈកសិកម្ម

                           វិស័យសុខាភិបាល

• បន្ទប់ពិគ្រោះស្ដ្រីមានផ្ទះពោះ
• បន្ទប់ព្យាបាលដោយចលនា
• បន្ទប់ថែទាំជម្ងឺៈ
• ឳសថស្ថានរង

ហើយកាផ្ដល់សេវាកម្មសាធារណៈចែកចេញជា២ផ្នែកគឺ៖ 

• ជួរមុខមាន៖

1. ក្រុមទទួល ប្រគល់ឯកសា និង ផ្ដល់ពត៌មាន
2. ក្រុមនីត្យានុកូលកម្ម
3. ក្រុមបេឡា

• ជួរក្រោយ ជាផ្នែកមន្ដ្រីជំនាញតាមវិស័យនិមួយៗ។

បន្ទាប់ពីមានការបង្ហាញនិងមតិអបរំណែនាំដ៏ល្អពីសំណាក់ ឯកឧត្តម កែន សត្ថា រួមមក ឯកឧត្ដម និង សមាជិក សមាជិការដែលចូលរួមបាននាំគ្នា ទៅទស្សនា ប្រព័ន្ធការងាររបស់អង្គភាពមួយនេះ និង ជាចុងក្រោយ មានការដង្ហែរក្បួនជុំវិញទីក្រុងកែបដើម្បីបើកឲ្យប្រើប្រាស់ជាផ្លូវការ។